შორაპანი - დაბა საქართველოში, იმერეთის მხარის ზესტაფონის მუნიციპალიტეტში. მდებარეობს იმერეთის დაბლობის უკიდურეს აღმოსავლეთ ნაწილში, მდინარეების ყვირილისა და ძირულას ხეობაში, ზღვის დონიდან 170 მ-ზე, ზესტაფონიდან 5 კმ-ში, თბილისი-ქუთაისის საავტომობილო და თბილისი-სამტრედიისა და ქუთაისი-საჩხერის სარკინიგზო ხაზზე (სადგური შორაპანი და ბაქანი შორაპანი). დაბიდან 45 კმ-ში მდებარეობს ქუთაისის საერთაშორისო აეროპორტი.

შორაპანი დასახლებულია ანტიკური ხანიდან. ციხე-ქალაქი შორაპანი - „სარაპანი“ ცნობილია კოლხეთის ისტორიაში, როგორც დიდი ნავსადგური, რომელიც მდებარეობდა მდინარე ყვირილაზე. იგი წარმოადგენდა სავაჭრო საქონლის საწყობს. აქვე იკრიბებოდნენ ვაჭრები, რომლებიც აღებ-მიცემობას აწარმოებდნენ აღმოსავლეთისა და დასავლეთის ქვეყნებს შორის. სტრაბონის (ძვ.წ. I - ახ.წ. I სს) მოწმობით, მდინარე ფაზისში დადიოდნენ გემები სარაპნის ციხემდე, რომელსაც თავისი სიდიდით შეეძლო მთელი ქალაქის მცხოვრებთა დატევა. ვახუშტი ბაგრატიონის მიხედვით, VIII ს-ის დასასრულს იგი არგვეთის საერისთავოს ცენტრს წარმოადგენდა. გვიანდელ ფეოდალურ ხანაში იყო მცირე ქალაქი განვითარებული ვაჭრობით. შემორჩენილია ქართული ხუროთმოძღვრების ძეგლი - შორაპნის ციხე. შორაპნის ციხესიმაგრე ლეონტი მროველის (XI ს) ცნობით აგებულია ძველი წელთაღრიცხვის III საუკუნეში ქართლის მეფე ფარნავაზ I-ის მიერ. ამჟამად შემორჩენილია ციხის ნანგრევები.

1846-1930 წლებში იყო შორაპნის მაზრის ცენტრი. შორაპნის მაზრა მოიცავდა დღევანდელი საჩხერის, ზესტაფონისა და ხარაგაულის მუნიციპალიტეტების ტერიტორიებს. 1938 წელს მიენიჭა დაბის სტატუსი.

2020 წლისთვის იგეგმება დაბა შორაპნის ციხე-ქალაქის რეაბილიტაცია-ადაპტაციისა და შორაპნის (ძველი უბნანი) ინფრასტრუქტურული განვითარება.

2014 წლის აღწერის მონაცემებით სოფელში ცხოვრობს 1 258 ადამიანი.

დაბაში არის საჯარო სკოლა, ორი საბავშვო ბაღი, ამბულატორია, 3 მინი სპორტული და 1 საფეხბურთო მოედანი, საზოგადოებრივი მომსახურების ცენტრი, სარიტუალო დარბაზი, სავაჭრო ობიექტები და სხვა.

დაბა ელექტროფიცირებული და გაზიფიცირებულია, არის ცენტრალური წყალმომარაგების სისტემა, სანიაღვრე-საკანალიზაციო სისტემა, ინტერნეტის ქსელი. დაბის გზები ძირითადად მოასფალტირებულია ან დაფარულია ბეტონის საფარით.

• რესურსის ტიპი: მიწა
• რესურსის ქვეტიპი: არასასოფლო-სამეურნეო შენობა-ნაგებობებით

შენობ(ებ)ის აღწერა:

შენობა N1 - ფართობი: 906.9 მ²;

შენობა N2 - ფართობი: 502 მ²;

შენობა N3 - ფართობი: 1029.7 მ².

• საკადასტრო კოდი: 32.19.31.188
• ადგილმდებარეობა: დაბა შორაპანი, ვახუშტი ბაგრატიონის ქ. N8. ნაკვეთი მდებარეობს ზღვის დონიდან 170 მ-ზე, ზესტაფონიდან 5 კმ-ში, თბილისი-ქუთაისის საავტომობილო და თბილისი-სამტრედიის რკინიგზის მიმდებარედ (სადგური შორაპანი და ბაქანი შორაპანი). ნაკვეთიდან 45 კმ-ში მდებარეობს ქუთაისის საერთაშორისო აეროპორტი.
• მიწის ფართობი: 37 002.00 მ².
• რელიეფი: ვაკე.
• ახლოს მდებარე დასახლებული პუნქტები: სოფელი წევა (3 კმ.).
• ინფრასტრუქტურა:
• გზა: ტერიტორიამდე მიდის მოასფალტირებული გზა, ასევე სარკინიგზო მაგისტრალი
• ელექტრო სისტემა: დასახლებაში არის ელექტრო სისტემა
• წყალმომარაგება: დასახლებაში არის წყლის სისტემა
• გაზმომარაგება: დასახლებაში არის გაზგაყვანილობა
• სხვა: დასახლებაში არის ინტერნეტი გაყვანილი
• გამოყენების მიზნობრიობა: შეიძლება გამოყენებული იქნეს როგორც სასოფლო-სამეურნეო მიზნით, ისე საცხოვრებელი სახლის ან საწარმოო ნაგებობის ასაშენებლად, ასევე ტურისტული ცენტრის განსანთავსებლად.
• საკუთრების ფორმა: მუნიციპალური
• სავარაუდო საბაზრო ღირებულება: განისაზღვრება აუქციონით.
• საკუთრებაში გადაცემის პროცედურები: საჭიროა ელექტრონულ აუქციონში მონაწილეობა.
• დეტალური ინფორმაციის მიღების შესაძლებლობები: ზესტაფონის მუნიციპალიტეტი. წერეთლის ქ. №11. ტელ.: (+995 492) 25 26 26 ან ცხელი ხაზი: (+995) 555 666 333. ელ.ფოსტა: [email protected]