პორტალი მუშაობს სატესტო რეჟიმში
დიდველა - სოფელი საქართველოში, იმერეთის მხარის ბაღდათის მუნიციპალიტეტში. მდებარეობს იმერეთის დაბლობზე, მდინარე ხანისწყლის მარცხენა მხარეს, ზღვის დონიდან 90 მეტრზე, ბაღდათიდან 12 კმ.
სოფელი ცენტრალური საავტომობილო გზიდან დაშორებულია 2 კმ-ით, უახლოესი რკინიგზის სადგურიდან 7 კმ-ით, ქუთაისის საერთაშორისო აეროპორტიდან - 41 კმ-ით.
დიდველაში მდებარეობს ანდრია პირველწოდებულის სახელობის ეკლესია, რომელიც 2002 წელს არის აშენებული.
სოფელში ეკონომიკური საქმიანობის ძირითადი სფერობია სოფლის მეურნეობა, კერძოდ, მესაქონლეობა, მემინდვრეობა, მევენახეობა. კომპანია „ბაგრატიონის“ მიერ დიდველაში საკმაოდ დიდ ფართობზე გაშენებულია ვენახის ზვრები. ცნობილია დიდველაში მოყვანილი ყურძნის, ასევე აქ დამზადებული ყველის ხარისხი. სოფელში არის სარწყავი სისტემა, რაც მნიშვნელოვნად უწყობს ხელს სოფლის მეურნეობის განვითარებას.
2014 წლის აღწერის მონაცემებით, სოფელში ცხოვრობდა 778 ადამიანი.
აღწერის წელი | მოსახლეობა | კაცი | ქალი |
2002 | 913 | 439 | 474 |
2014 | 778 | 358 | 420 |
2019 წლის მდგომარეობით, სოფელში ცხოვრობს 661 ადამიანი.
დიდველაში არის საჯარო სკოლა, საბავშვო ბაღი, ბიბლიოთეკა, სპორტული მოედანი. სოფელში მიმავალი გზა ასფალტირებულია. სოფლის ცენტრალური გზა - მობეტონებული, შიდა გზები - მოხრეშილი.
სოფელი ელექტროფიცირებული და გაზიფიცირებულია, მოსახლეობა სასმელად იყენებს ჭის წყალს. 2020 წელს განხორციელდება სოფლის სრული ინტერნეტიზაცია. 2020 წლისთვის დაგეგმილია ასევე სოფლის შიდა გზების დიდი ნაწილის მოასფალტება.