პორტალი მუშაობს სატესტო რეჟიმში
ჯალაურთა - სოფელი საქართველოში, საჩხერის მუნიციპალიტეტში, მდებარეობს ჭიათურის პლატოზე, მდინარე ყვირილის მარცხენა მხარეს, მდინარე ფრონესა და რკვიანას ხეობაში. სოფელი ზღვის დონიდან 720-დან 850 მეტრამდე მდებარეობს. არის ადმინისტრაციული ერთეულის ცენტრი. ადმინისტრაციულ ერთეულში შედის ასევე სოფელი მოძვი.
ჯალაურთა მდებარეობს გომი-საჩხერე-ჭითურა-ზესტაფონის ცენტრალური საავტომობილო გზიდან 6 კმ-ში, საჩხერის ცენტრალური ავტოსადგურიდან და რკინიგზის სადგურიდან 17 კმ-ში, ხოლო ქუთაისის საერთაშორისო აეროპორტიდან - 117 კმ-ში.
სოფელი ჯალაურთა მდიდარი წარსულისა და ისტორიის სოფელია. მისი ისტორია IX საუკუნიდან იწყება (უფრო ადრინდელი ცნობები არ მოიპოვება). სოფელს იმ დროისათვის „ჯარეურთა“ ერქვა. სიტყვის ნაწილი „ურთა“ კრებითი სახელია და ერთობას/შესაკრებელს ნიშნავდა, ანუ ჯარეურთა ჯარების შესაკრებელ და საწვრთნელ ადგილს აღნიშნავდა. სოფელზე გადიოდა დასავლეთსა და აღმოსავლეთ საქართველოს დამაკავშირებელი ერთერთი გზა.
ჯალაურთაში არის ორი ეკლესია: ღვთისმშობლის მიძინების სახელობის ეკლესია (აშენებულია შუა საუკუნეებში, საჭიროებს რეაბილიტაციას) და წმ. გიორგის სახელობის ტაძარი (აშენებულია 1895 წელს ძმები ფხალაძეების მიერ), რომელიც მოქმედია და წირვა-ლოცვა აღევლინება.
სოფელს მინიჭებული აქვს მაღალმთიანი დასახლების სტატუსი და სარგებლობს რიგი საგადასახადო და სოციალური შეღავათებით (დეტალური ინფორმაციისთვის იხ. საქართველოს კანონი „მაღალმთიანი რეგიონების განვითარების შესახებ“).
ჯალაურთა საჩხერის მუნიციპალიტეტის ერთ-ერთი დიდი სოფელია. აქ კომპაქტურად ცხოვრობენ: კაპანაძეები, ნეფარიძეები, დოღაძეები, ძინძიბაძეები, ასანიძეები, ბრეგვაძეები, ხვედელიძეები, ბუღაძეები, ღამბაშიძეები, ცარციძეები, შეყლაშვილები და პაპიძეები.
2014 წლის აღწერის მონაცემებით, სოფელში ცხოვრობს 1 144 ადამიანი.
აღწერის წელი | მოსახლეობა | კაცი | ქალი |
2002 | 1609 | 817 | 792 |
2014 |
| 556 | 588 |
ამჟამად სოფელ ჯალაურთაში ცხოვრობს 755 ოჯახი 1880 მაცხოვრებლით.
სოფელში ფუნქციონირებს საჯარო სკოლა, საბავშვო ბაღი, ბიბლიოთეკა, ამბულატორია, რამდენიმე სავაჭრო ობიექტი.
სოფელი არის ელექტროფიცირებული და გაზიფიცირებული, სოფლის მოსახლეობის წყალმომარაგება ხდება არტეზიული ჭებიდან. სოფლის მოსახლეობას სამარშუტო ტაქსები ემსახურება ქალაქ ჭიათურის, საჩხერისა და თბილისის მიმართულებით.
ნაკვეთის აღწერა: მიწის ნაკვეთზე განთავსებულია განთავსებულია წიწვოვანი ტყე, ძირითადი სახეობები: ფიჭვი - 70 %, ნაძვი - 30 %.
შენობის აღწერა: მიწის ნაკვეთზე განთავსებულია შენობა-ნაგებობა (ყოფილი სამედიცინო პუნქტი), რომლის ფართობია 147 მ2. შენობა 2 სართულიანია, ოთახების რაოდენობა - 8, ჭერის სიმაღლე - 3 მ. ექვემდებარება რემონტს.
1144