პორტალი მუშაობს სატესტო რეჟიმში
მათხოჯი - სოფელი საქართველოში, იმერეთის მხარის ხონის მუნიციპალიტეტში, მდებარეობს იმერეთის დაბლობზე მდინარე ცხენისწყლის მარცხენა ნაპირას, ზღვის დონიდან 170 მეტრზე, ხონიდან 7 კმ. მათხოჯის ადმინისტრაციული ერთეულის ცენტრი. ადმინისტრაციულ ერთეულში შემავალი სოფლებია: მათხოჯი, სუხჩა, ლეფილიე, ხიდი.
სოფელზე გადის ქუთაისი-ხონი-მარტვილის ცენტრალური საავტომობილო მაგისტრალი, 23 კმ-შია რკინიგზის უახლოესი სადგური „სამტრედია“, 25 კმ-ის დაცილებით მდებარეობს ქუთაისის საერთაშორისო აეროპორტი.
სოფლის ჩრდილოეთ მხარეს 150 მეტრი სიმაღლის მთაზე დგას მე-6 საუკუნის ციხე-სიმაგრე, ამჟამად ეგრეთწოდებული "ნაციხარი". სოფელში ორი ტაძარია: "წმიდა ნინოს სახელობის დედათა მონასტერი" და "წმიდა ბასილის ეკლესია".
სოფელში ეკონომიკური საქმიანობის ძირითადი სფეროებია: მესაქონლეობა და მემინდვრეობა.
2014 წლის აღწერის მონაცემებით სოფელში ცხოვრობს 1389 ადამიანი.
აღწერის წელი | მოსახლეობა | კაცი | ქალი |
2002 | 1943 | 918 | 1025 |
2014 |
| 687 | 702 |
სოფელ მათხოჯში ფუნქციონირებს საჯარო სკოლა, სამედიცინო ამბულატორია და საბავშვო ბაღი, ბიბლიოთეკა, 5 სპორტული მოედანი.
სოფელი ელექტროფიცირებულია, გაზიფიცირებულია, არის ინტერნეტ-ქსელი. წყალმომარაგების სისტემა არ არის და წყალი ძირითად მიეწოდება ჭაბურღილებიდან და ჭებიდან.
შენობის აღწერა: აღნიშნულ მიწის ნაკვეთზე მდებარეობს ყოფილი აბანოს შენობა, რომლის ფართობია 200 მ2. სართულების რაოდენობა - 1, შენობის სიმაღლეა 4 მ. შენობა ექვემდებარება რეაბილიტაცია-გადაკეთებას.
1389