საქართველოს საგარეო საქმეთა სამინისტრო, მიგრაციის პოლიტიკის განვითარების საერთაშორისო ცენტრთან (ICMPD) ერთად, ევროკავშირის მიერ დაფინანსებული პროექტის – „მიგრაციის მართვის მდგრადობის ხელშეწყობა საქართველოში“ (ENIGMMA 2) ფარგლებში, ყოველწლიურად ახორციელებს პროექტს - დიასპორის წარმომადგენლებისა და საქართველოს უცხოელი მეგობრების განსაკუთრებული ღვაწლის აღიარება.

პროექტის მიზანია საქართველოს განვითარების პროცესში მაღალი კვალიფიკაციის მქონე თანამემამულეების ჩართულობის ხელშეწყობა. აღნიშნული პროექტის ფარგლებში, 6 ნომინაციაში გამოვლინდებიან დიასპორის წარმომადგენლები, რომლებმაც პროფესიულ წარმატებას მიაღწიეს ადგილსამყოფელ ქვეყნებში და ასევე, წვლილი შეიტანეს საქართველოს განვითარებაში.

პროექტის თანახმად, დიასპორის წარმომადგენლების ნომინირება შესაძლებელია შემდეგ კატეგორიებში:

• მეცნიერების განვითარებაში შეტანილი წვლილისათვის;
• ქართული კულტურის პოპულარიზაციაში შეტანილი წვლილისათვის;
• ქართული სპორტის პოპულარიზაციაში შეტანილი წვლილისათვის;
• საქველმოქმედო საქმიანობაში შეტანილი წვლილისათვის;
• სახალხო დიპლომატიაში შეტანილი წვლილისათვის;
• საქართველოს უცხოელი მეგობარი.

დამატებითი ინფორმაციის მისაღებად, შეგიძლიათ დაუკავშირდეთ საგარეო საქმეთა სამინისტროს დიასპორასთან ურთიერთობის დეპარტამენტს შემდეგ ელ-ფოსტაზე: [email protected]