საჩხეური - სოფელი დასავლეთ საქართველოში, იმერეთის მხარის წყალტუბოს მუნიციპალიტეტში. შედის დღნორისის ადმინისტრაციულ ერთეულში. მდებარეობს ზღვის დონიდან 650 მეტრზე, ზაფხული გრილია, ზამთარი - მკაცრი.

სოფელი წყალტუბოდან დაშორებულია 65 კმ-ით, 18 კმ-ით - „ქუთაისი-ალპანა-მამისონის“ ცენტრალური საავტომობილო მაგისტრალიდან. უახლოესი რკინიგზის სადგურია „ქუთაისი“ (55 კმ), ქუთაისის საერთაშორისო აეროპორტამდე მანძილი შეადგენს 77 კმ-ს.

სოფელ საჩხეურას მთავარი ღირშესანიშნაობებია ულამაზესი ბუნებრივი პირობები, მდიდარია საკურორტო-რეკრეაციული რესურსებით, უხვადაა სასმელი დანიშნულების მიწისქვეშა მტკნარი წყალი. სოფელში არის ბუნებრივი ტბა - „უფსკერო ტბა“, რომლის მაქსიმალური სიღრმეა 8 მეტრი. ტბაში ბუნებრივად გავრცელებულია თევზის ჯიშები: კობრი, საზანი, კარასი.

სოფელ საჩხეურში არის როგორც შერეული ასევე ფოთლოვანი ტყე, რომელიც შესაძლებელია გამოყენებული იქნეს ტურისტული თვალსაზრისით.

სოფელ საჩხეურში არის გადასახედები, რაჭის და ოკრიბის მიმართულებით საფეხმავლო ბილიკები, ულამაზესი ტყეები და მდელოები, რომელთა გამოყენება შესაძლებელია ტურისტული დანიშნულებით.

სოფელში არის მაცხოვრის აღდგომის სახელობის და თომა მოციქულის სახელობის მოქმედი ეკლესიები. კვირაცხოვლობის მეორე დღეს - ორშაბათს აღნიშნავენ დღესასწაულს, რომელსაც ეწოდება „ანკაროული“.

სოფლის მოსახლეობა ეწევა მესაქონლეობას, მესიმინდეობას, მევენახეობას, მეფუტკრეობას.

2014 წლის აღწერის მონაცემებით, სოფელში ცხოვრობდა 72 ადამიანი.

სოფელში არის არასრული საჯარო სკოლა, ბიბლიოთეკა. უახლოესი სამედიცინო ამბულატორია არის მეზობელ სოფელ დღნორისაში (5 კმ).

სოფელი ელექტროფიცირებულია, წყალმომარაგება ხდება ადგილობრივი ბუნებრივი წყაროებიდან. ხელმისაწვდომია უკაბელო ინტერნეტის ქსელი.

სოფლის ცენტრალური და შიდა გზები ნაწილობრივ მოხრეშილი და ნაწილობრივ მოსახრეშია. დაგეგმილია სოფლის გარე განათების სისტემის მოწყობა 2020 წლისთვის.

სოფელ დღნორისას მინიჭებული აქვს მაღალმთიანი დასახლების სტატუსი და სარგებლობს რიგი საგადასახადო და სოციალური შეღავათებით (დეტალური ინფორმაციისთვის იხ. საქართველოს კანონი „მაღალმთიანი რეგიონების განვითარების შესახებ“).

• რესურსის ტიპი: მიწა
• რესურსის ქვეტიპი: არასასოფლო-სამეურნეო მიწის ნაკვეთი ორი შენობა-ნაგებობით

შენობ(ებ)ის აღწერა:

1) შენობის ფართობი - 100 მ²; სართულების რაოდებობა - 1; ოთახების რაოდენობა - 1; ჭერის სიმაღლე - 2.5 მ. ტექნიკური მდგომარეობა: სარემონტო.

2) შენობის ფართობი - 79 მ²; სართულების რაოდებობა - 1; ოთახების რაოდენობა - 1; ჭერის სიმაღლე - 2.5 მ. ტექნიკური მდგომარეობა: ექვემდებარება დემონტაჟს.

• საკადასტრო კოდი: 29.02.32.051
• ადგილმდებარეობა: სოფელი საჩხეური, წყალტუბოს მუნიციპალიტეტი. ნაკვეთი შენობით მდებარეობს სოფლის ცენტრში, საჯარო სკოლის მიმდებარედ. ნაკვეთი 18 კმ-ით არის დაშორებული ქუთაისი-ალპანა-მამისონის ცენტრალური საავტომობილო მაგისტრალიდან. უახლოესი რკინიგზის სადგურია „ქუთაისი“ (55 კმ), ქუთაისის საერთაშორისო აეროპორტიდან დაშორებულია 77 კმ-ით.
• ფართობი: 808.00 მ²
• ინფრასტრუქტურა:
• გზა: ნაკვეთამდე მისასვლელი გზა მოხრეშილია
• ელექტრო სისტემა: შენობაში არის ელექტრო სისტემა
• წყალმომარაგება: შენობის მიმდებარედ არის ბუნებრივი წყარო
• გაზმომარაგება: სოფელში არ არის
• გამოყენების მიზნობრიობა: მიწის ნაკვეთზე შეიძლება აშენდეს შენობა კომერციული ან საცხოვრებელი მიზნით.
• საკუთრების ფორმა: სახელმწიფო
• სავარაუდო საბაზრო ღირებულება: განისაზღვრება აუქციონით.
• საკუთრებაში გადაცემის პროცედურები: საჭიროა ელექტრონულ აუქციონში მონაწილეობის მიღება.
• დეტალური ინფორმაციის მიღების შესაძლებლობები: სახელმწიფო ქონების ეროვნული სააგენტო. ტელ.: (+995 32) 2 98 11 11; ელ. ფოსტა: [email protected]