მსოფლიოში არსებული ახალი კორონავირუსის (COVID-19) პანდემიიდან გამომდინარე, საქართველოს კინემატოგრაფიის ეროვნული ცენტრი მაყურებელს ონლაინ კინოჩვენებებს სთავაზობს. თანამედროვე ქართული ფილმების ბმულები ექსკლუზიურად ეროვნული კინოცენტრის ოფიციალურ ფეისბუქ გვერდზე გასაჯაროვდება და იგი ხელმისაწვდომი იქნება გარკვეული პერიოდის განმავლობაში.
იხილეთ ონლაინ კინოჩვენებების განრიგი:
- 5 აპრილი, 19:00 საათი (თბილისის დროით) – „დაკარგული რვანახევარი“, რეჟისორები - ლაშა ოთხმეზური და ვახო ვარაზი;
- 6 აპრილი, 20:00 საათი (თბილისის დროით) – „უშენოდ მგონი მოვკვდები“, რეჟისორი ლევან თუთბერიძე;
- 10 აპრილი, 19:00 საათი (თბილისის დროით) – „კრედიტის ლიმიტი“, რეჟისორი ნუცა ალექსი-მესხიშვილი;
- 12 აპრილი, 20:00 საათი (თბილისის დროით) – „ცხრა მთას იქით“, რეჟისორი ლევან თუთბერიძე;
- 15 აპრილი, 19:00 საათი (თბილისის დროით) – „ნეტავ იქ თეატრი არის?!“, რეჟისორი ნანა ჯანელიძე;
- 17 აპრილი, 19:00 საათი (თბილისის დროით) – „მანქანა, რომელიც ყველაფერს გააქრობს“, რეჟისორი თინათინ გურჩიანი;
- 21 აპრილი, 19:00 საათი (თბილისის დროით) – „მზის ქალაქი“, რეჟისორი რატი ონელი;
#დარჩისახლში #უყურექართულკინოს
