პორტალი მუშაობს სატესტო რეჟიმში
ნიგოზეთი - სოფელი იმერეთის მხარის ჭიათურის მუნიციპალიტეტში, მდებარეობს ჭიათურის პლატოზე მდინარე საძალიხევის (ყვირილის მარცხენა შენაკადი) მარცხენა მხარეს ზღვის დონიდან 750 მეტრზე, ჭიათურიდან 16 კმ. სოფლიდან 3 კმ-ში გადის ცენტრალური საავტომობილო გზის კორბოული-ჭიათურის მონაკვეთი. უახლოესი რკინიგზის სადგურია „ქ. ჭიათურა“ (16 კმ). ქუთაისის საერთაშორისო აეროპორტამდე მანძილია 100 კმ.
სოფელში ეკონომიკური საქმიანობის ძირითადია სფეროა სოფლის მეურნეობა, კერძოდ, მესაქონლეობა და მეჩაიეობა. სოფელში ფუნქციონირებს ჩაის გადამამუშავებელი კერძო მინი-საწარმო.
სოფლის ტერიტორიაზე არის ნიგოზეთის მღვიმე.
სოფლის ცენტრში მდებარეობს წმინდა გიორგის სახელობის ეკლესია, რომელიც XIX საუკუნეშია აშენებული.
2014 წლის აღწერის მონაცემებით სოფელში ცხოვრობს 446 ადამიანი.
აღწერის წელი | მოსახლეობა | კაცი | ქალი |
2002 | 666 | 330 | 336 |
2014 |
| 225 | 221 |
სოფელში არის საბავშვო ბაღი, საჯარო სკოლა, ამბულატორია, ბიბლიოთეკა, დაგეგმილია საჭიდაო დარბაზის მოწყობა.
სოფელი ელექტროფიცირებულია. წყალმომარაგება ხდება ჭებიდან. სოფლის ცენტრალური გზა მოასფალტებულია, შიდა გზები ნაწილობრივ არის მობეტონებული. აუხლოეს მომავალში დაგეგმილია დარჩენილი გზების მობეტონება.
შენობის აღწერა: მიწის ნაკვეთზე განთავსებულია შენობა-ნაგებობა (ყოფილი ადმინისტრაციული შენობა), რომლის ფართობია 500 მ2, შენობა 2 სართულიანია, ოთახების რაოდენობა - 15, ჭერის სიმაღლე - 3 მ. ექვემდებარება რემონტს - სახურავი დაზიანებულია და საჭიროებს შეცვლას, ხოლო კედლები საჭიროებს მხოლოდ კოსმეტიკურ რემონტს.
446