პორტალი მუშაობს სატესტო რეჟიმში
პირველი ობჩა - სოფელი საქართველოში, იმერეთის მხარის ბაღდათის მუნიციპალიტეტში. ობჩის ადმინისტრაციული ერთეულის ცენტრი. მდებარეობს მდინარე ხანისწყლის მარჯვენა მხარეს, მდინარეების ყვირილისა და საკრაულის წყალგამყოფის ჩრდილოეთ მთისწინეთში, მდინარე ლუხუტის (ყვირილის მარცხენა შენაკადი) ნაპირებზე. ზღვის დონიდან 240 მეტრი, ბაღდათიდან 8 კმ.
სახელწოდება ობჩა მეთექვსმეტე საუკუნიდან მოდის. არსებობს რამდენიმე მოსაზრება ამ სახელის შესახებ. მათ შორის ყველაზე გავრცელებული და ცნობილია შემდეგი; ობჩის ტერიტორიაზე იყო სალოცავი (ახლაც არის). სალოცავს მეგრულად “ოფუჩ”-ს უწოდებენ. “ობ” კი არის წინსართი და “პატარას” ნიშნავს. ამ ორი სიტყვის შეერთებით კი წარმოიქმნა სახელწოდება ობჩა, ანუ – “პატარა სალოცავი“.
ობჩაში აღიზარდნენ ისეთი ცნობილი ადამიანები, როგორიცაა საქვეყნოდ ცნობილი დირიჟორი – ჯანსუღ კახიძე, კომპოზიტორი - რევაზ ლაღიძე, ენათმეცნიერი - პოლიევქტ გაჩეჩილაძე, მოჭიდავე - დავით ციმაკურიძე და ტექნოლოგი, ლაღიძის წყლების შემქმნელი - მიტროფანე ლაღიძე.
2014 წლის აღწერის მონაცემებით, სოფელში ცხოვრობდა 1841 ადამიანი.
აღწერის წელი | მოსახლეობა | კაცი | ქალი |
2002 | 1960 | 964 | 996 |
2014 |
| 832 | 1009 |
სოფელში ეკონომიკური საქმიანობის ძირითადი მიმართულებებია მესაქონლეობა და მევენახეობა.
სოფელში არის ამბულატორია, საბავშვო ბაღი, ბიბლიოთეკა, ორი სკოლა, დაგეგმილია მინი სტადიონის მშენებლობა და ბეტონის გზების დაგება.
სოფელი მთლიანად ელექტროფიცირებული და გაზიფიცირებულია, მოწესრიგებულია წყალგაყვანილობის სისტემა.
შენობის აღწერა: შენობის ფართობი: 379.25 მ2; სართულების რაოდენობა - 2; ოთახების რაოდენობა - 9; ჭერის სიმაღლე - 7 მ. ტექნიკური მდგომარეობა: სარემონტო.
1841