2021 წლის 12 ოქტომბერს, საბერძნეთში საქართველოს ელჩმა, დავით დონდუამ და აშშ-ს ვებსტერის უნივერსიტეტის ათენის კამპუსის რექტორმა, პროფესორმა ვასილის ბოტოპულოსმა, ხელი მოაწერეს თანამშრომლობის მემორანდუმს.
აღსანიშნავია, რომ საბერძნეთში საქართველოს საელჩოსა და ვებსტერის უნივერსიტეტს, მრავალწლიანი თანამშრომლობა აკავშირებთ.
განახლებული მემორანდუმის ხელმოწერით, კიდევ უფრო მეტ ქართველ სტუდენტს, მცხოვრებს როგორც საბერძნეთში, ისე საქართველოში, გაუმარტივდება ვებსტერის უნივერსიტეტის ათენის კამპუსში უმაღლესი განათლების მიღება.
განახლებული მემორანდუმის თანახმად:
- ყოველი აკადემიური წლის განმავლობაში, საბერძნეთში 70% ფასდაკლებით სარგებლობის შესაძლებლობა ეძლევა საქართველოს ერთ მოქალაქეს, რომელსაც ბაკალავრიატში სწავლის სურვილი აქვს და ერთ მოქალაქეს, რომელსაც მაგისტრატურაში სურს სწავლის გაგრძელება.
- ყოველი აკადემიური წლის განმავლობაში, ვებსტერის უნივერსიტეტის ათენის კამპუსში საბაკალავრო საფეხურზე 30% ფასდაკლებით სარგებლობის შესაძლებლობა ექნება საქართველოსა და/ან საბერძნეთში მცხოვრებ თანამემამულეებს (5+5);
- 30% ფასდაკლებით ისარგებლებს, მაგისტრატურაში სწავლის მსურველი, საქართველოში ან საბერძნეთში მცხოვრები ათი (5+5), უმაღლესდამთავრებული ახალგაზრდა.
უნივერსიტეტის კურსდამთავრებულები მიიღებენ ამერიკულ დიპლომს.
დამატებითი ინფორმაციის მისაღებად, გთხოვთ, მიმართოთ ვებსტერის უნივერსიტეტის ათენის კამპუსს:
Webster Athens
Office: Webster Athens, 9 Ipitou St., Athens 105 57, Greece
Phone: +30 211 9905 309 - +30 6942444359
www.webster.edu.gr
