დღეს, უცხოეთში მყოფი ჩვენი თანამემამულეების სამშობლოში დაბრუნების მიზნით, პრემიერ-მინისტრის ხელმძღვანელობით, კორონავირუსთან დაკავშირებით მოქმედ უწყებათაშორის საკოორდინაციო საბჭოზე განისაზღვრა 10 აპრილის შემდგომ, დამატებით, ორი მიმართულება: 12 აპრილი - ბერლინი-თბილისი და 14 აპრილი - ამსტერდამი-თბილისი.
საკოორდინაციო საბჭოს გადაწყვეტილებით, ევროპიდან საქართველოს მიმართულებით ავიარეისებს ახორციელებს კომპანია „ჯორჯიან ეარვეისი“. როგორც საზოგადოებისთვის ცნობილია, საკოორდინაციო საბჭოს მიერ უკვე განსაზღვრულია მიმდინარე წლის 26 მარტიდან 10 აპრილის ჩათვლით განსახორციელებელი მიმართულებები:
- 28 მარტი - ვარშავა-თბილისი - LOT Polish Airlines;
- 31 მარტი - ამსტერდამი-თბილისი - Georgian Airways;
- 3 აპრილი - ბერლინი-თბილისი - Georgian Airways;
- 3 აპრილი - ვარშავა-თბილისი - LOT Polish Airlines;
- 4 აპრილი - ლონდონი-თბილისი - Georgian Airways (კომპანიის გეგმიური რეისი);
- 7 აპრილი - ათენი-თბილისი - Georgian Airways;
- 10 აპრილი - ლარნაკა-თბილისი - Georgian Airways.
აღნიშნული ფრენები განხორციელდება ჯანდაცვის მსოფლიო ორგანიზაციის პროტოკოლით, რაც ითვალისწინებს მგზავრთა ჭადრაკული პრინციპით განთავსებას, თითოეულ ბორტზე არაუმეტეს 120 მგზავრისა. ბილეთის ფასი განსაზღვრულია 199 ევროს ოდენობით.
ამასთან, საზოგადოების მაღალი ინტერესის გათვალისწინებით და იმ დიდი პასუხისმგებლობიდან გამომდინარე, რაც დაკავშირებულია უცხოეთში მყოფი ჩვენი თანამემამულეების სამშობლოში დაბრუნების პროცესთან, გვსურს, გამოვეხმაუროთ მიმდინარე წლის 3 აპრილის ვარშავა-თბილისისა და ბერლინი-თბილისის მიმართულებებზე ბილეთების რეალიზაციის საკითხს. იხილეთ განცხადება:
